ਟਵਿੱਟਰ ਦੇ ਸੀ. ਈ. ਓ. ਏਲਨ ਮਸਕ ਨੇ ਸੋਮਵਾਰ ਨੂੰ ਟਵਿੱਟਰ ਯੂਜ਼ਰਜ਼ ਨੂੰ ਇਕ ਵੱਡਾ ਤੋਹਫ਼ਾ ਦਿੰਦੇ ਹੋਏ ਅਹਿਮ ਐਲਾਨ ਕੀਤਾ ਹੈ। ਉਹਨਾਂ ਇਹ ਜਾਣਕਾਰੀ ਸਾਂਝੀ ਕੀਤੀ ਕਿ ਮਾਈਕ੍ਰੋ ਬਲਾਗਿੰਗ ਸਾਈਟ ’ਤੇ ਛੇਤੀ ਹੀ ਯੂਜ਼ਰਜ਼, ਲਾਂਗਫਾਰਮ ਟਵੀਟਸ ਦੇ ਤਹਿਤ ਲੰਮੇ ਟਵੀਟ ਕਰ ਸਕਣਗੇ। ਉਹਨਾਂ ਕਿਹਾ ਕਿ ਪਲੇਟਫਾਰਮ, ਯੂਜ਼ਰਜ਼ ਨੂੰ 10,000 ਕਰੈਕਟਰਸ (ਅੱਖਰਾਂ) ਦੇ ਨਾਲ ਟਵੀਟ ਪੋਸਟ ਕਰਨ ਦੀ ਸਹੂਲਤ ’ਤੇ ਕੰਮ ਕਰ ਰਿਹਾ ਹੈ ਅਤੇ ਛੇਤੀ ਹੀ ਇਹ ਫੀਚਰ ਸ਼ੁਰੂ ਕੀਤਾ ਜਾਵੇਗਾ।
ਇਹ ਵੀ ਜਾਣਕਾਰੀ ਦੇ ਦਈਏ ਕਿ ਕੰਪਨੀ ਵੱਲੋਂ ਟਵਿੱਟਰ ਬਲੂ ਸਬਸਕ੍ਰਿਪਸ਼ਨ ਵਾਲੇ ਯੂਜ਼ਰਜ਼ ਨੂੰ ਦਿੱਤੀ ਜਾ ਰਹੀ ਲਿਮਿਟ ਜ਼ਿਆਦਾ ਹੈ, ਜੋ ਲੋਕ ਇਸ ਸਬਸਕ੍ਰਿਪਸ਼ਨ ਲਈ ਭੁਗਤਾਨ ਕਰ ਰਹੇ ਹਨ ਉਹ 4000 ਕਰੈਕਟਰਸ ਦੇ ਨਾਲ ਟਵੀਟ ਕਰ ਸਕਦੇ ਹਨ। ਉੱਥੇ ਹੀ, ਰੈਗੂਲਰ ਯੂਜ਼ਰਜ਼ ਨੂੰ ਹੁਣ ਤੱਕ 280 ਕਰੈਕਟਰਸ ਤੱਕ ਦੇ ਟਵੀਟ ਪੋਸਟ ਕਰਨ ਦੀ ਆਗਿਆ ਹੈ।
ਨਵਾਂ ਫੀਚਰ ਮੁਫ਼ਤ ਹੋਵੇਗਾ ਜਾਂ ਨਹੀਂ ਇਸ ਦੇ ਬਾਰੇ ਫ਼ਿਲਹਾਲ ਜਾਣਕਾਰੀ ਨਹੀਂ ਮਿਲ ਸਕੀ ਹੈ ਪਰ ਇਸ ਗੱਲ ਦੀਆਂ ਸੰਭਾਵਨਾਵਾਂ ਵਧੇਰੇ ਹਨ ਕਿ ਨਵੀਂ ਸਹੂਲਤ ਦਾ ਲਾਭ ਚੁੱਕਣ ਲਈ ਕੁਝ ਭੁਗਤਾਨ ਕਰਨਾ ਪਵੇ।