ਦਿੱਲੀ ਪੁਲਿਸ ਦੇ ਵਿਸ਼ੇਸ਼ ਦਸਤੇ ਨੇ ਦਿੱਲੀ ‘ਚ ਇਕ ਪਾਕਿਸਤਾਨੀ ਅੱਤਵਾਦੀ ਗਿ੍ਫ਼ਤਾਰ ਕੀਤਾ ਹੈ, ਜਿਸ ਨੇ ਦਿੱਲੀ ਅਤੇ ਹੋਰਨਾਂ ਸ਼ਹਿਰਾਂ ਵਿਚ ਵਾਰਦਾਤਾਂ ਕਰਨੀਆਂ ਸਨ | ਇਸ ਅੱਤਵਾਦੀ ਨੂੰ ਆਈ.ਐੱਸ.ਆਈ. ਨੇ ਵਿਸ਼ੇਸ਼ ਸਿਖਲਾਈ ਵੀ ਦਿੱਤੀ ਸੀ ਅਤੇ ਇਸ ਕੋਲੋਂ ਏ.ਕੇ-47, ਹੈਾਡ ਗ੍ਰਨੇਡ, 60 ਰੌਂਦ, ਇਕ ਮੈਗਜ਼ੀਨ, 50 ਰੌਦਾਂ ਸਮੇਤ 2 ਪਿਸਤੌਲ ਬਰਾਮਦ ਹੋਏ ਹਨ | ਇਹ ਅੱਤਵਾਦੀ ਦਿੱਲੀ ਵਿਚ ਲਕਸ਼ਮੀ ਨਗਰ ਤੋਂ ਫੜਿਆ ਗਿਆ | ਇਹ ਫ਼ਰਜ਼ੀ ਆਈ.ਡੀ. ਦੇ ਨਾਲ ਦਿੱਲੀ ‘ਚ ਰਹਿ ਰਿਹਾ ਸੀ ਅਤੇ ਨਿਪਾਲ ਰਸਤੇ ਦਿੱਲੀ ਵਿਚ ਪੁੱਜਿਆ ਸੀ | ਇਸ ਨੇ ਆਪਣਾ ਨਾਂਅ ਅਲੀ ਅਹਿਮਦ ਨੂਰ ਰੱਖਿਆ ਹੋਇਆ ਹੈ ਪਰ ਇਸ ਦਾ ਅਸਲੀ ਨਾਂਅ ਮੁਹੰਮਦ ਅਸ਼ਰਫ਼ ਅਲੀ ਹੈ, ਜੋ ਕਿ ਪਾਕਿਸਤਾਨ ਦੇ ਪੰਜਾਬ ਦਾ ਨਿਵਾਸੀ ਹੈ | ਅਸ਼ਰਫ਼ ਭਾਰਤੀ ਔਰਤ ਨਾਲ ਵਿਆਹਿਆ ਹੋਇਆ ਸੀ ਪਰ ਮੌਜੂਦਾ ਸਮੇਂ ਉਸ ਨਾਲ ਨਹੀਂ ਰਹਿ ਰਿਹਾ ਸੀ |