ਦਿੱਲੀ ਦੇ ਦਿਲ ਦਹਿਲਾ ਦੇਣ ਵਾਲੇ ਸ਼ਰਧਾ ਵਾਲਕਰ ਮਰਡਰ (Shraddha Walker Murder) ਨੇ ਪੂਰੇ ਦੇਸ਼ ਨੂੰ ਹਿਲਾ ਕੇ ਰੱਖ ਦਿੱਤਾ ਹੈ। ਇਸ ਬੇਰਹਿਮੀ ਨਾਲ ਹੋਏ ਕਤਲ ਨੂੰ ਲੈ ਕੇ ਪੂਰੇ ਦੇਸ਼ ‘ਚ ਗੁੱਸਾ ਦੇਖਿਆ ਜਾ ਰਿਹਾ ਹੈ, ਹਰ ਕੋਈ ਦੋਸ਼ੀ ਨੂੰ ਸਜ਼ਾ ਦੇਣ ਦੀ ਮੰਗ ਕਰ ਰਿਹਾ ਹੈ। ਇਸ ਦੌਰਾਨ ਬਾਲੀਵੁੱਡ (Bollywood) ਨੇ ਸ਼ਰਧਾ ਵਾਲਕਰ ਕਤਲ ਕੇਸ (Shraddha Walker Murder Case) ‘ਤੇ ਫਿਲਮ ਬਣਾਉਣ ਦਾ ਐਲਾਨ ਕੀਤਾ ਹੈ।ਖਬਰਾਂ ਮੁਤਾਬਕ ਫਿਲਮ ਨਿਰਦੇਸ਼ਕ ਮਨੀਸ਼ ਐੱਫ ਸਿੰਘ (Film Director Manish F Singh) ਨੇ ਵੀ ਇਸ ਦਿਲ ਦਹਿਲਾ ਦੇਣ ਵਾਲੇ ਕਤਲ ਕੇਸ ‘ਤੇ ਕੰਮ ਸ਼ੁਰੂ ਕਰ ਦਿੱਤਾ ਹੈ।
ਇਸ ਨਾਂ ਨਾਲ ਫਿਲਮ ਬਣਾਈ ਜਾਵੇਗੀ
India Herald ਦੀ ਰਿਪੋਰਟ ਮੁਤਾਬਕ ਨਿਰਮਾਤਾ-ਨਿਰਦੇਸ਼ਕ ਮਨੀਸ਼ ਐੱਫ ਸਿੰਘ ਦਿੱਲੀ ਕਤਲੇਆਮ ‘ਤੇ ਫਿਲਮ ਬਣਾਉਣ ਜਾ ਰਹੇ ਹਨ। ਫਿਲਮ ਦਾ ਵਰਕਿੰਗ ਨਾਂ- ‘Who Killed Shraddha Walker’ ਰੱਖਿਆ ਗਿਆ ਹੈ। ਰਿਪੋਰਟ ਮੁਤਾਬਕ ਇਹ ਫਿਲਮ ਸ਼ਰਧਾ ਵਾਲਕਰ ਦੇ ਕਤਲ ‘ਤੇ ਆਧਾਰਿਤ ਹੋਵੇਗੀ। ਇਸ ਫਿਲਮ ਦੇ ਸਕ੍ਰੀਨਪਲੇਅ ‘ਤੇ ਵੀ ਕੰਮ ਸ਼ੁਰੂ ਹੋ ਗਿਆ ਹੈ। ਹਾਲਾਂਕਿ ਉਨ੍ਹਾਂ ਨੇ ਇਹ ਵੀ ਸਪੱਸ਼ਟ ਕੀਤਾ ਹੈ ਕਿ ਜਦੋਂ ਤੱਕ ਪੁਲਿਸ ਚਾਰਜਸ਼ੀਟ ਫਾਇਲ ਨਹੀਂ ਕਰਦੀ, ਉਦੋਂ ਤੱਕ ਸਕਰੀਨਪਲੇਅ ਨੂੰ ਅੰਤਿਮ ਰੂਪ ਨਹੀਂ ਦਿੱਤਾ ਜਾਵੇਗਾ।
‘ਲਵ ਜਿਹਾਦ’ ਹੋਵੇਗਾ ਫਿਲਮ ਦਾ ਮੁੱਦਾ!
ਮਨੀਸ਼ ਐੱਫ ਸਿੰਘ (Manish F Singh) ਨੇ ਆਪਣੀ ਫਿਲਮ ਬਾਰੇ ਸਪੱਸ਼ਟ ਕੀਤਾ ਹੈ ਕਿ ਇਹ ਫਿਲਮ ਲਵ ਜਿਹਾਦ ‘ਤੇ ਹੋਵੇਗੀ। ਇਹ ਫਿਲਮ ਕੁੜੀਆਂ ਨੂੰ ਝਾਂਸਾ ਦੇਕੇ ਉਨ੍ਹਾਂ ਦੀ ਜ਼ਿੰਦਗੀ ਨਾਲ ਖਿਲਵਾੜ ਕਰਨ ਵਾਲਿਆਂ ਦੀਆਂ ਸਾਜ਼ਿਸ਼ਾਂ ਨੂੰ ਦੁਨੀਆਂ ਸਾਹਮਣੇ ਬੇਨਕਾਬ ਕਰੇਗੀ। ਨਾਲ ਹੀ, ਇਹ ਸ਼ਰਧਾ ਵਾਲਕਰ ਕੇਸ ‘ਤੇ ਨਹੀਂ ਬਲਕਿ ਇਸ ਦੁਆਰਾ ਪ੍ਰੇਰਿਤ ਹੋਵੇਗੀ। ਇਹ ਫਿਲਮ ਵਰਿੰਦਾਵਨ ਫਿਲਮਜ਼ (Vrindavan Films) ਦੇ ਬੈਨਰ ਹੇਠ ਬਣੇਗੀ, ਇਸ ਵਿਚ ਕਿਹੜੇ-ਕਿਹੜੇ ਕਲਾਕਾਰ ਹੋਣਗੇ, ਇਸ ਦਾ ਅਜੇ ਫੈਸਲਾ ਨਹੀਂ ਹੋਇਆ ਹੈ।
ਸ਼ਰਧਾ ਵਾਲਕਰ ਮਰਡਰ ਕੇਸ (Shraddha Walker Murder Case Movie) ਨੂੰ ਵੀ ਲੋਕ ਲਵ ਜਿਹਾਦ ਦਾ ਨਾਂ ਦੇ ਰਹੇ ਹਨ। ਹਾਲਾਂਕਿ, ਇਹ ਕਹਿਣਾ ਜਲਦਬਾਜ਼ੀ ਹੋਵੇਗਾ ਕਿਉਂਕਿ ਜਦੋਂ ਤੱਕ ਪੁਲਿਸ ਹਰ ਪਹਿਲੂ ਤੱਕ ਨਹੀਂ ਪਹੁੰਚ ਜਾਂਦੀ, ਲੋਕਾਂ ਨੂੰ ਆਪਣੇ ਫੈਸਲਿਆਂ (Judgements) ‘ਤੇ ਸੰਜਮ ਵਰਤਣਾ ਪਏਗਾ। ਪੁਲਿਸ ਹਰ ਰੋਜ਼ ਇਸ ਮਾਮਲੇ ਦੀ ਗੁੱਥੀ ਸੁਲਝਾਉਣ ਵਿੱਚ ਲੱਗੀ ਹੋਈ ਹੈ।